വയനാട് മേപ്പാടി കള്ളാടിയിലുണ്ടായ വൻ മണ്ണിടിച്ചിൽ ദുരന്തത്തിൽ മരിച്ചവരുടെ എണ്ണം ഏഴായി ഉയർന്നു. നാലാം ദിവസമായ ഇന്ന് തുടരുന്ന തിരച്ചിലിനിടെ പുഴയിൽ നിന്ന് ഒരാളുടെ മൃതദേഹം കൂടി കണ്ടെടുത്തതോടെയാണിത്. അപകടത്തിൽപ്പെട്ട ഇനി ഒരാളെക്കൂടി മാത്രമാണ് ഇനി കണ്ടെത്താനുള്ളത്. കഴിഞ്ഞ ദിവസം നടത്തിയ തിരച്ചിലിൽ മൂന്ന് മൃതദേഹങ്ങൾ കണ്ടെടുത്തിരുന്നു. കള്ളാടി- ആനക്കാംപൊയിൽ തുരങ്കപാത നിർമ്മാണം നടത്തുന്ന കരാർ കമ്പനിയായ ദിലീപ് ബിൽഡ് കോണിലെ ജീവനക്കാരാണ് ഈ ദരുന്തത്തിന് ഇരയായത്. നിലവിൽ ആശുപത്രിയിൽ ചികിത്സയിൽ കഴിയുന്ന രണ്ട് തൊഴിലാളികളുടെ ആരോഗ്യനില ഇപ്പോഴും ഗുരുതരമായി തുടരുകയാണ്.
മന്ത്രിമാരായ എ.പി. അനിൽകുമാർ, അഡ്വ. ടി. സിദ്ദീഖ് എന്നിവർ ദുരന്തസ്ഥലത്ത് ക്യാമ്പ് ചെയ്താണ് നിലവിൽ രക്ഷാപ്രവർത്തനങ്ങൾക്കും തിരച്ചിലിനും നേരിട്ട് നേതൃത്വം നൽകുന്നത്. തുരങ്കപാത പദ്ധതിയുടെ മേൽനോട്ട ചുമതലയുള്ള കൊങ്കൺ റെയിൽ കോർപ്പറേഷൻ ഉദ്യോഗസ്ഥർ ഇന്ന് ദുരന്തബാധിത പ്രദേശം സന്ദർശിച്ച് സ്ഥിതിഗതികൾ വിലയിരുത്തും. അതേസമയം, ഈ വലിയ അപകടത്തെക്കുറിച്ച് സർക്കാർ പ്രഖ്യാപിച്ച ഇരട്ട അന്വേഷണത്തിന്റെ കാര്യത്തിൽ ഇതുവരെ കൃത്യമായ വ്യക്തത വന്നിട്ടില്ല. സംഭവത്തെക്കുറിച്ച് പഠിക്കാനുള്ള വിദഗ്ധ സമിതിയെ സർക്കാർ ഇന്ന് ഔദ്യോഗികമായി പ്രഖ്യാപിച്ചേക്കുമെന്നാണ് ലഭ്യമാകുന്ന വിവരം.
