കേരള സംസ്ഥാന ഭാഗ്യക്കുറി വകുപ്പിന്റെ ധനലക്ഷ്മി DL 58 ലോട്ടറി നറുക്കെടുപ്പ് ഫലം ഇന്ന് പുറത്തുവരും. ഒരു കോടി രൂപ ഒന്നാം സമ്മാനമായി ലഭിക്കുന്ന ഈ ലോട്ടറിയുടെ രണ്ടാം സമ്മാനം 30 ലക്ഷം രൂപയും മൂന്നാം സമ്മാനം അഞ്ച് ലക്ഷം രൂപയുമാണ്. ഇവയ്ക്ക് പുറമെ മറ്റ് നിരവധി ആകർഷകമായ സമ്മാനങ്ങളും ധനലക്ഷ്മി ലോട്ടറിയിലൂടെ ഭാഗ്യാന്വേഷികൾക്ക് ലഭിക്കും. എല്ലാ ബുധനാഴ്ചകളിലും ഉച്ചയ്ക്ക് 3 മണിക്കാണ് ധനലക്ഷ്മി ലോട്ടറിയുടെ നറുക്കെടുപ്പ് നടക്കുന്നത്. ജനങ്ങൾക്ക് ലോട്ടറി വകുപ്പിന്റെ ഔദ്യോഗിക വെബ്സൈറ്റുകളായ https://www.keralalotteryresult.net/, http://www.keralalotteries.com/ എന്നിവ സന്ദർശിച്ച് ഫലം തത്സമയം അറിയാൻ സാധിക്കുന്നതാണ്.
ലോട്ടറി അടിക്കുന്നവർക്ക് സമ്മാനത്തുക 5000 രൂപയിൽ താഴെയാണെങ്കിൽ കേരളത്തിലെ ഏത് ലോട്ടറിക്കടയിൽ നിന്നും അത് നേരിട്ട് കൈപ്പറ്റാം. എന്നാൽ സമ്മാനത്തുക 5000 രൂപയിൽ കൂടുതലാണെങ്കിൽ ഭാഗ്യക്കുറി ടിക്കറ്റും തിരിച്ചറിയൽ രേഖയും സഹിതം സർക്കാർ ലോട്ടറി ഓഫീസിലോ ബാങ്കിലോ സമീപിക്കേണ്ടതുണ്ട്. ലോട്ടറി വിജയിക്കുന്നവർ സർക്കാർ ഗസറ്റിൽ പ്രസിദ്ധീകരിക്കുന്ന ഔദ്യോഗിക ഫലം നോക്കി തങ്ങളുടെ ടിക്കറ്റ് നമ്പർ ഉറപ്പുവരുത്തേണ്ടതും, നറുക്കെടുപ്പ് നടന്ന് 30 ദിവസത്തിനകം തന്നെ സമ്മാനാർഹമായ ടിക്കറ്റ് ബന്ധപ്പെട്ട അധികൃതർക്ക് മുന്നിൽ സമർപ്പിക്കേണ്ടതുമാണെന്ന് ലോട്ടറി വകുപ്പ് വ്യക്തമാക്കുന്നു.
