വന്ദേമാതരം വിവാദത്തിൽ സർക്കാരിന് കൃത്യവും വ്യക്തവുമായ നിലപാടുണ്ടെന്ന് മുഖ്യമന്ത്രി വി.ഡി. സതീശൻ. ഓഗസ്റ്റ് 15-ലെ സ്വാതന്ത്ര്യദിനാഘോഷ വേളയിൽ ഈ നിലപാട് എന്താണെന്ന് ലോകം കാണുമെന്നും അദ്ദേഹം വ്യക്തമാക്കി. വന്ദേമാതരം മുഴുവനായും ആലപിക്കണമെന്നും അല്ലാത്തപക്ഷം അധിക്ഷേപിക്കുകയോ പാടാതിരിക്കുകയോ ചെയ്താൽ മൂന്നു വർഷം തടവുശിക്ഷ നൽകണമെന്നും വ്യവസ്ഥ ചെയ്യുന്ന നിയമം പാസാവുകയും രാഷ്ട്രപതിയുടെ അനുമതി ലഭിച്ച് നോട്ടിഫിക്കേഷൻ ഇറങ്ങുകയും ചെയ്തിട്ടുണ്ട്. എന്നാൽ, കോൺഗ്രസ് നേതൃത്വം നൽകുന്ന യു.ഡി.എഫ് സർക്കാരിന് ഈ വിഷയത്തിൽ അതിന്റേതായ വ്യക്തമായ നയമുണ്ടെന്നും ആ നിലപാടിനനുസരിച്ച് മാത്രമേ കാര്യങ്ങൾ മുന്നോട്ട് കൊണ്ടുപോകൂ എന്നും അദ്ദേഹം പറഞ്ഞു.
സ്വാതന്ത്ര്യദിനവുമായി ബന്ധപ്പെട്ട് സർക്കാരിനും മുന്നണിക്കും കൃത്യമായ കാഴ്ചപ്പാടുണ്ടെന്ന് അദ്ദേഹം ഓർമ്മിപ്പിച്ചു. ഓഗസ്റ്റ് 15-ന് ഇനി ദിവസങ്ങൾ മാത്രമേ ശേഷിക്കുന്നുള്ളൂ എന്നും അന്നേദിവസം സർക്കാരിന്റെ നിലപാട് എന്താണെന്ന് എല്ലാവർക്കും ബോധ്യമാകുമെന്നും വി.ഡി. സതീശൻ മാധ്യമങ്ങളോട് പ്രതികരിച്ചു.
