തിരുവനന്തപുരം: കഴിഞ്ഞ ഏതാനും ദിവസങ്ങളായി ചാഞ്ചാട്ടം തുടരുന്ന സംസ്ഥാനത്തെ സ്വർണവിലയിൽ നേരിയ ഇടിവ് രേഖപ്പെടുത്തി. ഇന്ന് കേരളത്തിൽ 22 കാരറ്റ് ഒരു ഗ്രാം സ്വർണത്തിന് 10 രൂപയും ഒരു പവന് 80 രൂപയുമാണ് കുറഞ്ഞത്. ഇതോടെ വിപണിയിൽ ഒരു ഗ്രാം സ്വർണത്തിന്റെ വില 13,440 രൂപയായും ഒരു പവൻ സ്വർണത്തിന്റെ വില 1,07,520 രൂപയായും മാറി. കഴിഞ്ഞ പത്ത് ദിവസത്തെ വിപണി പരിശോധിച്ചാൽ ജൂൺ 26-ന് രാവിലെ 1,03,840 രൂപയിൽ തുടങ്ങി വൈകീട്ടോടെ 1,04,680 രൂപയിലേക്ക് ഉയർന്ന വില ജൂൺ 27, 28 തീയതികളിൽ 1,05,560 രൂപയായി തുടരുകയും ജൂൺ 29-ന് 1,04,880 രൂപയായി താഴുകയും ചെയ്തിരുന്നു. തുടർന്ന് ജൂൺ 30-ന് രാവിലെ 1,02,760 രൂപയിലേക്ക് താഴ്ന്ന നിരക്ക് ഉച്ചയോടെ 1,04,160 രൂപയായും ജൂലൈ ഒന്നിന് രാവിലെ 1,03,240 രൂപയായിരുന്നത് വൈകീട്ടോടെ 1,04,320 രൂപയായും ഉയർന്നു. ജൂലൈ രണ്ടിന് 1,05,440 രൂപയും ജൂലൈ മൂന്നിന് ഈ മാസത്തെ ഏറ്റവും ഉയർന്ന നിരക്കായ 1,07,800 രൂപയും രേഖപ്പെടുത്തിയ ശേഷം ജൂലൈ നാലിനും അഞ്ചിനും 1,07,600 രൂപയിൽ മാറ്റമില്ലാതെ തുടർന്ന വിലയാണ് ഇന്ന് വീണ്ടും നേരിയ തോതിൽ കുറഞ്ഞത്.
വിലയിൽ തുടർച്ചയായി ഉണ്ടാകുന്ന ഈ കയറ്റിറക്കങ്ങൾ സ്വർണം വാങ്ങാൻ കാത്തിരിക്കുന്ന ഉപഭോക്താക്കളിലും ആഭരണപ്രേമികളിലും കനത്ത ആശയക്കുഴപ്പം സൃഷ്ടിക്കുന്നുണ്ട്. അതേസമയം, സ്വർണവിലയിൽ കുറവുണ്ടായെങ്കിലും സംസ്ഥാനത്ത് വെള്ളി വിലയിൽ വർധനവ് രേഖപ്പെടുത്തിയിട്ടുണ്ട്. പുതിയ നിരക്ക് പ്രകാരം വിപണിയിൽ ഒരു ഗ്രാം വെള്ളിക്ക് 245 രൂപയും 10 ഗ്രാം വെള്ളിക്ക് 2,450 രൂപയുമാണ് നിലവിൽ ഈടാക്കുന്നത്.
